منتدى القدس العلمي
انت لست عضو في منتدى القدس العلمي يسرنا تسجيلك يالمنتدى اذا لم تكن مشترك معنا وارجو الدخول اذا كنت مشترك بالمنتدى مسبقا

افتح عينيك للهوا والنور ..

اذهب الى الأسفل

افتح عينيك للهوا والنور ..

مُساهمة من طرف miss pink في 2010-02-01, 18:29

إذا شعـرت انو وجــودك متل عـدمـو ..إن حسيت أنك مرهق من ركض السنين.. وأنو ابتسامتك بتختفي ورا تجاعيد الأيام ..وأنو الحياة صارت ما تنطاق ..
وأنو الساعات ما بتعني الا مزيد من ألالم ..وأنو كل شيء صار موجع وقبيح..
ارسم على وجهك ابتسامة حتى لو من قهر .. اسكب من عينك دمـعـة مـن فرح..
إن طعـنك صديق أو غدر فيك حبيب .. او سكنك الضيق..
أن فـقـدت كـل شـئ جـمـيل ..او اتكسرت طموحاتك على كف المستحيل..
افتح عينيك للهوا والنور ..لا تهرب بنفسك ومن نفسك للظلام..
ارجع للنور .. احضن عروقك المفتوحة .. وجروحك الي اكيد محتاجيتك كثير..
اشعرها بوجودك .. واشعر بوجودها … تعلم فن التسامح .. عيش بمنطق الحب .. عيش بروعة الهدوء … لا تخلي قلبك مستودع للكره والحقد ولا للحسد والظلم..
لا تـتطلع للى حواليك باكثر من ابتسامة .. ابتسامه تجتاز فيها المسافات وتخترق .. معها حواجـز الصراع .. ابتسم الهم رغم كل أوجاعك.. عيش أقوى من ألمك. .. ومن شيــطان نفسك .. ومن حب ذاتك..
احمل في قلبك ريشة ترسم فيها لوحة اتذكر الناس فيك بشيء جميل.. .
بتكون مسكين اذا ظنيت أنو الكره والحقد بخلوك أقوى او أذكى..
وأن القسوه والجفوه والجمود هم الي بخلوك انسان محترم .. ابدا لا ....
تعلم أنك تضحك مـــع الي معك مين ما كان..
أنك تشاركو ألمو ..معاناتو وفرحو .. مش بس كواجب بل كون مُسبب للسعاده..
عيش واتعايش مع كل الي حواليك.. عيش كبير .. وآمن انك كبير
تعلم أنك تحتوي كل شيء وكل حدث وكل انسان بمر عليك..
لا تصيح لمـــا يتأخر صديقك او حبيبك .. ولا تخاف اذا فقدت اشي بخصك..
تذكر أنو كل اشئ مكتوب في لوح القـدر ... قبل ما تكون واحد من البشر..
وأن زعل صاحبك او حبيبك .. روحلو صافحو .. احتضنو وراضيه ..
وان زعلت منو .. مدلو ايدك وافتحلو قلبك..
وإن خسرت اشي .. اتذكر انك ربحان اشياء كثير ..
وأن فاتك موعد .. اتذكر انك لحقت ورح تلحق مواعـيـد تانيه كتيره..
مهما كان الألم مرير .. ومهما كان القادم مجهول..
افتح قلبك للأحلام والآمال .. للطموح والمستقبل الي اكيد جاي ورح تشرق شمسو..
آمن انو بكره يوم جديد .. بكره أنت شخص جديد..
آمن انو كل يوم بحياتك رح يحمل الك السعاده من جديد..
لا تحاول أنك تضحك الأخرين عهاد الشخص أو هداك او انك تأذي حد..
لأنك بتحفر في قلبو جرح .. انت مش رح تشعر فيه ولا رح يفيدك ..
لكنو رح يعيش معو لأخر يوم في عمرو .. رح يئلمو وما رح يفرحك..
فهل على الدنيا أقبح من أنك تنام .. وصاحبك او جارك او حبيبك بئن بسببك..
كون قلب وروح تمر عالدنيا بسلام .. عشان تلاقي مين يبكي عليك من قلبو .. مش يتباكى عليك بحكم الواجب .. الواحد ما بعرف متى رح يكون يوم الرحيل..
صدقوني لحظتها رح تشوفو أنو الحياة جنه رائعة الجمال بتستاهل انا نعيشها
حتى في أشد حالات الالم .. ووسط اقسى انواع المعاناة .. رح تلقى ابتسامتك معك .. عندها أكيد رح تتذكر قديش أنك إنسان .. فارجع لإنسانيتك يا إنسان..
أتذكر انو ربنا سبحانه وتعالى .. خلقك بالاصل إنسان
avatar
miss pink
عضو جديد
عضو جديد

عدد المساهمات : 3
النقاط : 9
السٌّمعَة : 0
تاريخ التسجيل : 22/12/2009

الرجوع الى أعلى الصفحة اذهب الى الأسفل

رد: افتح عينيك للهوا والنور ..

مُساهمة من طرف الإخطبوط في 2010-02-02, 15:45

شكرا على الموضوع الفريد من نوعة

وجد مافي حياة ولا نجاح دون امل

الإخطبوط
عضو قوي
عضو قوي

عدد المساهمات : 67
النقاط : 85
السٌّمعَة : -1
تاريخ التسجيل : 09/10/2009
الموقع : khaled-mohazia@hotmail.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى